Omleiringa av Port Royal i 1707 var to separate forsøk av engelske kolonistar frå New England på å erobre Acadia ved å erobre hovudstaden Port Royal under Dronning Anne-krigen. Begge forsøka vart gjort av militssoldatar frå kolonien og var leia av menn som ikkje hadde erfaring med omleiringar. Festninga i Port Royal klarte lett å stå imot begge forsøka, med støtte frå akadiske og indianske militssoldatar utanfor fortet.